Google ADS

‘Liberalizimi i vizave mund të mos ndodhë sivjet’

08:32 | 13 Maj 2018
Arbresh.info

Zëvendëspresidenti i Parlamentit Evropian, Rainer Wieland, u ka premtuar qytetarëve të Kosovës se do të bëjë gjithçka që ata të lëvizin pa viza. Por, ai ka thënë se kjo mund të mos bëhet këtë vit, raporton KTV.

Wielandi këto komente i ka bërë në Drenas, ku edhe është shpallur qytetar nderi i kësaj komune.

Wielandi ka folur edhe për vendet tjera që synojnë të bëhen anëtare të Bashkimit Evropian, duke thënë se nuk do ta pranojnë asnjë vend, i cili ka probleme të hapura me fqinjët.

Ndërsa, kryeministri Ramush Haradinaj ka thënë se qytetarët e Kosovës i takojnë familjes evropiane dhe e ka quajtur të një rëndësie të madhe ardhjen e Wielandit në Kosovë dhe nderimin me çmimin qytetar nderi i Drenasit.

Edhe kryetari i Komunës së Drenasit, Ramiz Lladrovci, i ka kërkuar zëvendëspresidentit të PE-së, që të bëjë me të mirën që edhe qytetarët e Kosovës të lëvizin lirshëm dhe të mos jetojnë në geto.

 

Shpërndaje në rrjete sociale

Lajmet më të lexuara

Të ngjashme

Foto lajm